Edhe pse kanë kaluar 9 orë pasagjerët në Portin e Vlorës që duan të udhëtojnë drejt Italisë akoma nuk janë nisur.
Trageti i linjës Brindisi -Vlorës erdhi me 6 orë vonesë për arsye të paqarta, por edhe pasi mbërriti problemet u shfaqën përsëri.
Sipas gazetarit Armand Xhelili, në Vlorë janë shitur më shumë bileta se kapaciteti i tragetit dhe për këtë arsye udhëtarët po pengojnë nisjen e tij.
‘Nuk me thanë asnjë informacion. Bileta e ka orarin në orën 11.’- tha një qytetar.
‘Kemi ardhur që prej orës 11 në port. Me vonesë, po presim.’- u shpreh një tjetër.
‘Kam 8 orë që pres këtu. Asnjëlloj sqarimi. Biletën e kisha për në orën 10.’- tregoi një qytetar.
‘Që në mëngjes. Asgjë nuk na kanë thënë.’- u shpreh një qytetar.
Pas 9 orësh pritje, vijon që të mos niset trageti i linjës Vlorë-Brindisi. Në port është shkaktuar rrëmujë për shkak se agjencitë kanë shitur më tepër bileta, duke lënë jashtë disa autobusë pa marrë.
