VLORË - Një sherr mes disa të rinjve ka ndodhur në lagjen 1 Maji.
Tre të rinj kanë përfunduar në spital, ndërkohë pesë persona janë shoqëruar për në komisariat.
'Rreth orës 14:50, në lagjen “1 Maji”, në rrugë, dyshohet se për motive të dobëta, janë konfliktuar fizikisht me njëri-tjetrin, shtetasit K. C., 19 vjeç, F. Sh., 19 vjeç, D. I., 18 vjeç, G. C., 18 vjeç me 5 shtetas të mitur, të moshave 14-16 vjeç.
Shërbimet e Policisë kanë shkuar menjëherë në vendngjarje dhe i kanë shoqëruar të gjitha këta shtetas, në Komisariatin e Policisë Vlorë, për veprime të mëtejshme.', thuhet në njoftimin e policisë.
Sipas informacioneve nga policia bëhet me dije se ngjarja ka ndodhur për debate në rrjetet sociale.
G.K//ReportTv.al
Komento
