Vlore - Tre persona janë goditur me thikë pas një sherri të ndodhur mesditën e sotme (3 shkurt 2024) në lagjen “Isa Boletini” pranë Gjykatës së Shkallës së Parë të Vlorës
Policia ka arrestuar njërin prej autorëve, H. M., 18 vjeç ndërsa shpalli në kërkim bashkëpunëtorin e tij.
Të dëmtuarit me thikë janë shtetasit Xh. H., 20 vjeç, E. T., 18 vjeç dhe H. N., 18 vjeç, të cilët ndodhen në spital, në kujdesin e mjekëve.
Gjatë kontrollit në banesën e shtetasit H. M., shërbimet e Policisë gjetën dhe sekuestruan 1 pistoletë sportive, 2 përforcues grushti dhe 2 mjete prerëse (thika). Vijon puna për kapjen e autorit tjetër të përfshirë në këtë konflikt, shtetasit J. R.
Ndërkohë, vijon puna e grupit hetimor, për sqarimin e plotë të rrethanave të ngjarjes.
S.G/ReportTv.al