VLORË- Selam Zira, 24-vjeç është arrestuar ditën e sotme pasi është identifikuar si autori i zjarrvënies i një dite më parë pranë fushës së mbetjeve të qytetit.
Ditën e djeshme, zjarri i cili zgjati përreth 90 minuta u shkaktua për shkak të djegies së gomave të automjeteve, në lagjen “24 Maji” pranë hidrovorit. Nga djegia e mbetjeve plastike e gomave pati shtëllunga të mëdha tymi që u përhapën në të gjithë qytetin. Si pasojë e përhapjes së flakëve është djegur gardhi rrethues i hidrovorit dhe gardhi rrethues i një objekti tjetër privat.
24-vjeçari nga Fieri akuzohet për veprat penale “Ndotja e ajrit” dhe “Shkatërrimi i pronës me zjarr”. Materialet hetimore i kaluan Prokurorisë, për veprime të mëtejshme.
S.C//ReportTv.al
Komento
