Një 22-vjeçare është vënë në pranga nga policia e Vlorës pasi u kap në flagrancë me një sasi kanabisi teksa drejtonte automjetin. Gjatë kontrollit në banesën e 22-vjeçares u gjet një peshore elektronike që i shërbente për të peshuar dhe për të ndarë në doza më të vogla sasinë e kanabisit me qëllim shitjen.
Ndërkohë është vënë në hetim dhe po procedohet në gjendje të lirë edhe një 20-vjeçar, i cili ishte pasagjeri i saj. Edhe atij iu sekuestrua një sasi e vogël kanabisi. Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.
F.D/ReportTv.al
Komento
