GJIROKASTËR- Mbrëmjen e sotme (21 janar), janë gjetur mbetje kockore në afërsi të një shpelle në vendin e quajtur "Gurti i Lenecit" në njësinë administrative Lopës të Tepelenës.
Mësohet se është gjetur një gjysmë-kafkë njeriu e vjetër. Sipas policisë, kafka mund të jetë sjellë në afërsi të shpellës nga ujërat e lumit të zonës.
Gjatë kontrollit të bërë në territor, policia nuk gjeti mbetje të tjera kockore. Ndërkohë grupi hetimor po punon për dokumentimin e plotë të rastit.
Policia ka dalë me një njoftim zyrtar sa i takon eshtrave të gjetura mbrëmjen e sotme në afërsi të një shpelle në vendin e quajtur “Gurti i Lenecit”.
Në njoftim sqarohet se bëhet fjalë për mbetje kockore (gjysmë-kafkë) njeriu që dyshohet se është e vjetër dhe mund të jetë sjellë në afërsi të shpellës nga ujërat e lumit të zonës.
“Mbrëmjen e sotme, në afërsi të një shpelle në vendin e quajtur "Gurti i Lenecit", në njësinë administrative Lopës, është gjetur një mbetje kockore (gjysëm kafkë), që dyshohet se i përket një qenie humane. Nga këqyrja paraprake dyshohet të jetë e vjetër dhe se mund të jetë sjellë në afërsi të shpellës, nga ujërat e lumit në këtë zonë.
Gjatë kontrollit të territorit, shërbimet e Policisë nuk kanë gjetur mbejtje të tjera kockore. Grupi hetimor po punon për dokumentimin e plotë të këtij rasti”- thuhet në njoftimin e policisë.
