Vlorë/ 80 vatra zjarri të qëllimshme në 45 ditë, kreu i zjarrfikësve: Qytetarët të ruajnë mjedisin

19 Prill 2022, 16:34| Përditesimi: 19 Prill 2022, 16:44

  • Share

Rreth 80 raste zjarresh janë regjistruar në harkun kohor të 45 ditëve në territorin e Bashkisë Vlorë, nga fillimi i muajit mars e deri më sot, shumica në zona me ulishte e pemëtari.

“Një pjesë e zjarreve kanë qenë të qëllimshme. Këto zjarre janë shumë problematike, për ne janë një rrezik i shtuar për neve sepse këto vendosen në një kohë kur fryen erë”, shprehet kreu i Shërbimit të zjarrfikësve Kastriot Begaj.

Sipas kreut të Shërbimit të zjarrfikësve, në Vlorë Kastriot Begaj zjarre po u vihen edhe vendgrumbullimeve të mbetjeve. 

“Unë u bëj apel të gjithë qytetarëve kudo që janë rreth e rrotull vijës bregdetare, që të mos provokojnë zjarr, të mos ndezin dhe të mos shkaktojnë ngjarjet të tilla, por të tregojnë një kujdes të madh sidomos për ruajtjen e mjedisit”, thotë ai.

Edhe pse jemi rreth një muaj larg nisjes së sezonit turistik Vlora mbetet një nga zonat me problematike për zjarrvënien e qëllimshme.

SI.E.//ReportTv.al
Komento
  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares