Policia e Tiranës ka vënë në pranga një 33-vjeçar, banues në Tiranë i cili ka vjedhur në seri biçikleta dhe patina elektronike në zona të ndryshme të kryeqytetit. 33-vjeçari dyshohet se ka vjedhur të paktën 5 biçikleta dhe monopatina, njërën prej të cilave siç shihet në pamjet e publikuara nga policia e ka vjedhur në parkingun e biçikletave të Ministrisë së Brendshme.
Nga veprimet hetimore dyshohet se ky shtetas, gjatë muajve të fundit, ka kryer 5 vjedhje në zona të ndryshme të Tiranës, konkretisht:
- Më datë 28.05.2023, dyshohet se ka vjedhur biçikletën e shtetases M. C.;
- Më datë 01.06.2023, dyshohet se ka vjedhur monopatinën e shtetasit A. C.;
- Më datë 14.07.2023, dyshohet se ka vjedhur biçikletën e shtetasit R. B.;
- Më datë 16.08.2023, dyshohet se ka vjedhur biçikletën e shtetasit K. H.;
- Më datë 28.08.2023, dyshohet se ka vjedhur monopatinën e shtetasit E. K.
Vijon puna për zbardhjen e vjedhjeve të tjera që mund të jenë kryer nga ky shtetas.
Materialet procedurale i kaluan Prokurorisë, për veprime të mëtejshme.
B.K/ReportTv.alKomente
Ironia ne kete rast eshte se ka vjedhur para Min.te Brendeshme!
Përgjigju