Vendimi që ndeshjet të luhen pa tifozë për shkak të pandemisë, duket se nuk i bind dot tifozët e zjarrtë, të cilët duan të ndjekin ndeshjet e skuadrës së tyre.
Në kërkim të mënyrave se si mund të shohin ndeshjen jashtë stadiumit, tifozët sarandjotë kanë gjetur një mënyrë mjaft origjinale, por që për pak desh u kthye në tragjedi për jetën e tyre.
Në tentativë për të ndjekur ndeshjen e skuadrës së tyre, disa tifozë kanë hipur mbi tarracat e shtëpive të vjetra, të cilët jo që nuk janë të sigurta, por nuk kanë mbajtur dot peshën e madhe dhe janë shembur.
Tarraca e një prej ndërtesave ku po qëndronin tifozët sarandjotë është shembur, duke rrëzuar një pjesë të personave që ndodheshin sipër saj.
Ngjarja ka ndodhur gjatë ndeshjet Butrinti-Labëria, ku fatmirësisht tifozët kanë marrë plagë të lehta pa rrezik për jetën.
//ReportTv.al