Sarandë – Një 40-vjeçar është arrestuar nga policia ditën e sotme pasi akuzohet si autor i vjedhjeve në 4 banesa në Sarandë, gjatë muajve të fundit.
Arrestimi i 40-vjeçarit të identifikuar si Andon Qurku, erdhi si rezultat i hetimeve pas kallëzimeve të disa shtetasve, për vjedhje në banesat e tyre, gjë që është vërtetuar edhe nga pamjet e regjistruara nga kamerat e sigurisë në këto banesa.
“Shërbimet e Komisariatit të Policisë Sarandë, si rezultat i veprimeve hetimore dhe procedurale të kryera në kuadër të planit operacional “Sundimi i ligjit”, pas kallëzimeve të disa shtetasve, për vjedhje në banesat e tyre, në qytetin e Sarandës, identifikuan dhe arrestuan autorin e dyshuar, shtetasin A. Q., 40 vjeç, banues në Sarandë”, - njofton policia.
Blutë tregojnë se po punohet për të zbardhur vjedhje të tjera që mund të ketë kryer 40-vjeçari.
K.M/ReportTv.al