Shqipëria ka hapur një kapitull të ri në turizëm duke u prezantuar çdo ditë e më shumë me një imazh tejet pozitiv dhe atraksione mahnitëse, ndryshe nga më parë.
Kjo fytyrë e re e turizmit shqiptar është përcjellë mësë miri edhe në në panairin më të madh në botë të turizmit ITB Berlin, ku u përcollën të gjitha shijet, ngjyrat e ndjesitë e Shqipërisë turistike duke u dhuruar një përvojë të mrekullueshme udhëtimi virtual të gjithë kureshtarëve që e vizituan dhe shprehën entuziazmin për ta eksploruar dhe ripërjetuar këtë vend duke nisur nga ky vit.
Ministrja e Turizmit, Mirela Kumbaro ka ndarë me publikun një video në rrjetin social “Facebook”, me përshtypjet e vizitorëve të panairit që frekuentuan stendën e vendit tonë.
Siç duket dhe në video, ata shprehin habinë e tyre për transformimin e turizmit shqiptar dhe e klasifikojnë vendin tonë si një nga destinacionet e tyre të preferuara për t’u vizituar përgjatë këtij viti.
