Guvernatori i shtetit të New Yorkut thekson se shpërthimi i makinës që ndodhi në një urë kufitare SHBA-Kanada nuk lidhet me terrorizmin. Dy persona në automjet vdiqën dhe një agjent kufitar amerikan u plagos.
Makina po lëvizte nga ana e kufirit të Nju Jorkut në Urën e Ylberit kur u përplas në një pikë kontrolli. Incidenti pranë Ujëvarës së Niagarës solli mbylljen e katër urave në kufirin më të gjatë ndërkombëtar në botë.
Shpërthimi ndodhi rreth orës 11:30 me orën lokale të mërkurën, duke shkaktuar ndërprerje serioze në një nga ditët më të ngarkuara të udhëtimit të vitit, në prag të festës së Falenderimeve në SHBA.
Shërbimet e trenave midis Nju Jorkut dhe Kanadasë u ndërprenë përkohësisht dhe oficerët në aeroportet Buffalo dhe ujëvarat e Niagarës hynë në një gjendje të lartë alarmi duke kontrolluar makinat për eksplozivë.
Incidenti ngjalli frikën e një sulmi të mundshëm terrorist dhe spekulimet e pabaza u përhapën në internet në lidhje me një kërcënim të supozuar për Paradën e Ditës së Falenderimeve të Macy në Neë York City.
???????????????? A new video footage confirmed by U.S. Custom and Border Protection @CBP shows the actual incident of vehicle being airborne at Rainbow Bridge Niagara Falls
— INC - Immigration News Canada ???????? ???? (@CanadaImmigra20) November 23, 2023
???????????????? New media reports are now suggesting that it seems to be a terrible accident rather than a Terrorist attack,… https://t.co/fuMdp77KaE pic.twitter.com/eURl3cknlk
S.S/ReportTv.al
