Kupa e Afrikës është duke zhvilluar ndeshjet e para në grupe. Në stadiumin "Laurent Pokou" në qytetin San Pedro të Bregut të Fildishtë, Maroku fitoi 3-0 Tanzaninë duke dominuar në çdo aspekt gjatë 90 minutave.
Afrikano-veriorët zhbllokuan ndeshjen pas 30 minutave lojë me golin e Saiss, kjo pas një goditje dënimi nga Ziyech dhe kthimin e topit pas. Në pjesën e dytë marokenët gjetën edhe dy gola të tjerë me Ounahi dhe En Nesyri në minutat 77 dhe 80, duke marrë kështu kreun e grupit D me tri pikë.
Maroku në Kupën e Botës "Katar 2022" u rendit në vendin e tretë, kjo pas humbjes 2-0 me Kroacinë në finalen e vogël, duke qenë edhe surpriza e turneut. Tanimë në Kupën e Afrikës djemtë e Regragui kërkojnë të ngrenë trofeun dhe janë pretendentët kryesorë.
S.DH/ReportTv.al
