Një anije gjysmë-zhytëse që mbante rreth 800 kilogramë kokainë në bord eshte kapur nga Marina Kolumbiane mbrëmjen e të dielës teksa po lundronte në ujërat e vendit.
Anija gjysmë-zhytëse kishte një gjatësi prej 15 metrash dhe kokaina që ishte në të ishte paketuar në pako të vogla që mbanin të stampuar simbolin e akrepit. Nëse kokaina do të dilte në treg për shitje ajo kapte vlerën e 27 milionë dollarëve.
Autoritetet në Kolumbi kanë arrestuar tre personat që gjendeshin në bord e anijes ndërsa kanë deklaruar destinacioni i saj ishte që të mbërrinte në Shtetet e Bashkuara ose ndoshta në vendet e Bashkimit Europian.
Sipas asaj që shkruajnë mediat ndërkombëtare, Marina Kolumbiane nuk ka pranuar të japë më shumë detaje mbi këtë operacion të saj, raporton Associated Press.
Anijet gjysmë-zhytëse apo nëndetëset po përdoren masivisht përgjatë muajve të fundit nga trafikantët ndërkombëtar për shkak se ato mund të kalojnë pa u pikasur nga autoritetet e vendeve të ndryshme.
Kolumbia konsiderohet si prodhuesi më i madh i kokainës në botë dhe përgjatë vitit 2023 Marina kolumbiane sekuestroi me operacionet e saj 30 tone droge dhe me shume se 5 ton marijuanë.
#LoUltimo ????la @armadacolombia realizó interdicción de un semisumergible que transportaba 7️⃣9️⃣5️⃣ kilogramos de
— Fuerza Naval del Pacífico (@FNP_ArmadaCol) January 21, 2024
clorhidrato de cocaína en el Pacífico centro.
Este sería el primer artefacto ilegal incautado en el año ✅ pic.twitter.com/E63vJmL2DY
S.S/ReportTv.al
