Momente tensioni në portin e Lampedusës në Itali ku agjentët e Guardi di Finanza po përpiqen të frenojnë qindra emigrantë që kërkojnë të largohen nga kampi i vendosur në Lampedusa
Shumë emigrantë tentojnë të çajnë kordonin. Situata mbetet dramatike në Lampeduza ku ndodhen të paktën 7,000 emigrantë, vetëm 1600 prej tyre u vendosën aty prej mesnatës së djeshme. Njerëz të dëshpëruar dhe që bërtasin teksa tentojn të largohen. Lampedusa i ngjan një kafazi.
Në Itali, sipas të dhënave të përditësuara nga Ministria e Brendshme që nga fillimi i vitit janë regjistruar 123 863 emigrantë. Në tre ditët e fundit ka pasur një bum të madh ardhjesh prej 8,141 zbarkimi: 2,073 në 11 shtator, 5,018 të nesërmen dhe 1,050 dje.
“Jam i rraskapitur, por nuk ka vend as për të rënë përtokë,” thotë një ndërmjetës nga IOM, agjencia ndërkombëtare e migracionit. Struktura e ngritur për ta është e mbipopulluar dhe nuk ka vend as ku të hedhësh mollën.
S.G/ReportTv.al