Fantazisti Eduard Rroca ka shënuar golin e parë me Manisa FK në Turqi. Ish-kapiteni i Istanbulspor la Superligën turke në merkaton e dimrit dhe kaloi në Ligën e Parë të këtij vendi.
Pasditen e kësaj të premteje lojtari nga Librazhdi e bëri "sefte" me ekipin e ri pas vetëm 15 minutave lojë. Kundër Altay në udhëtim për javën e 31-të të sezonit, Rroca asistoi te goli i parë në minutën e 13-të dhe pas dy minutash tundi rrjetën vetë.
Kontrolli brilant me gjoks bëri që 30-vjeçari të futej mes mbrojtësve dhe me të majtë të mposhtte portierin Erenturk, për golin e parë personal me ekipin e ri.
eduard rroca, manisa fk pic.twitter.com/B8dijj7NFI
— News video (@Newsvideo13) April 19, 2024
S.DH/ReportTv.al
Komento
