Babi i tij, ish komandanti i UÇK, Hashim Thaçi, ndodhet në Hagë, por Endrit Thaçi e ka marrë në dorë angazhimin publik. Endriti, i cili ka edhe shtetësi shqiptare, përmes një mesazhi ka përkrahur Erion Veliajn në zgjedhjet e së dielës për kryebashkiak në Tiranë.
Në videon e postuar nga vetë Veliaj, djali i ish-presidentit Thaçi, thotë se si shumë qytetarë të tjerë me dyshtetësi, edhe ai do të votojë të dielën dhe nuk ka dyshim se për kënd.
“Të dielën e ardhshme janë zgjedhjet lokale në Shqipëri. Si shumë shqiptarë të tjerë me 2 nënshtetësi edhe unë do të votoj dhe nuk kam dëshirë se për kë. Erioni është mik i mirë i babit dhe gjithë Kosovës. Tirana është sot qytet më dinamik, më i bukur, më i hapur, për shkak të Erionit. Qindra mijëra turistë e kanë zbuluar Tiranën si një qendër të re kulturore dhe sportive europiane”, thotë në këtë video djali i Thaçit.
Ai në fund thotë se mezi po pret të shoh se çfarë do të bëj Erion Veliaj në mandatin e ardhshëm.
“Vetëm përpara, Erion”, përfundon Endrit Thaçi.
Ndërsa, Veliaj që e ka postuar këtë video, shprehet mirënjohës për fjalët e tij inkurajuese.
K.T./ReportTv.al“Të jam mirënjohës për fjalët inkurajuese, Endrit Thaçi. E vlerësoj shumë mbështetjen tënde!”, ka shkruar Veliaj.
Komente
BRAVOOOO
Përgjigju