Arabia Saudite - Al Nassr ka fituar 2-1 me përmbysje në kampionat kundër Damac-ut falë një goditje dënimi të jashtëzakonshme të Cristiano Ronaldos. Pas një pjese të parë të mbyllur në disavantazh 1-0, pas golit të N’Kodou në fundin e 45 minutave të para, CR7 me shokë janë kundërpërgjigjur në pjesën e dytë.
Talisca ka barazuar në të 53-ën me një goditje dënimi dhe katër minuta më pas ka qenë Ronaldo që ka përmbysur gjithçka me një goditje fantastike. Me golin e tij, Ronaldo shkon në kuotën e 41 golave në 2023, më shumë se çdo lojtar tjetër.
Duket se Ronaldo ia ka shpërblyer më së miri fansave, që në fillimin e ndeshjes i kishin përgatitur një koreografi gjigante. Ky ishte goli numër 860 në karrierën e pesë herë fituesit të Topit të Artë.
S.DH/ReportTv.al
Komento