Feyenoord "asfalton" 6-0 Ajaxin në 'Klasike' për raundin e 29-të të elitës së futbollit holandez. Miqtë nga Amsterdami ishin për "faqe të zezë" duke mos pasur asnjë rast të rrezikshëm, për të mos goditur asnjëherë portën në mënyrë serioze.
Në kolonën e statistikave vërehet se Ajax ka vetëm një goditje këndi, gjëja më e mirë që djemtë e van 't Schip mundën të bënin gjatë 90 minutave. Në "De Kuip" të Rotterdamit vendasit shënuan tre herë në pjesën e parë me Paixao, Minteh dhe Hancko.
Sërish vendasit dominuan në pjesën e dytë, me Minteh dhe Paixao që shënuan sërish, teksa Timber vendosi emrin në listën e shënuesve. Kështu, Feyenoord turpëron Ajaxin dhe e lë në vendin e gjashtë me 45 pikë.
Për vete, Feyenoord mban pozitën e dytë me 69 pikë, nëntë më pak se kryesuesit e PSV-së.
S.DH/ReportTv.al
