Përmes një statusi në Facebook, ku mes të tjerash ka kërkuar ndjesë për reagimin e vonuar, Patozi i ka dhënë edhe një mesazh të prerë Ramës kur është shprehur: “Mos i trego bilbilit pyllin, i dashur timonier”.
“Kërkoj ndjesë që e mora vesh me vonesë lajmin për vërshëllimat e djeshme në Pallatin e Sportit. Më falet, gjithësesi dhe jam i justifikuar në një farë mënyre sepse kam qenë i zënë me festimet e Ditës së Rinisë. Por tani që e pash, një këshillë po ta jap. Kur të fillojë ajo lloj muzike, mos u mundo kot t'u tregosh bilbilave ku janë pemët, por përpiqu të gjesh një shteg për të dalë vetë nga pylli. Se i bie se për ty ka nisur të këndohet ajo kënga që interpretoi mbrëmë jo keq Ditmir Bushati, “Pranvera filloi me ardhë dhe bylbyli nis me knu...””, është shprehur Patozi.
Rama me batutë iu drejtua të rinjve që dje po vërshëllenin: “Kam një sugjerim për disa djem që vërshëllejnë. Këtu keni afër pyllin, shkoni në pyll e vërshëlleni”, tha ai.
dy.b/shqiptarja.com