“Kukësi, qyteti me zemra të hapura” – kështu e ka titulluar reportazhin e sotëm gazetari Agim Pipa, me destinacion qytetin 'Nderi i Kombit' dhe kandidat për çmimin Nobel për paqe, pas Luftës së vitit 1999 në Kosovë.
Një ndalesë në Muzeun Etnografik dhe përshkrim i jetës në Drinabardhë, siç e kanë quajtur arbnorët zonën e Kukësit.
Zbulohen veshjet paramesjetare, kostumet magjike të grave të Hasit, si kostume ndër më të bukurit në botë. Historitë e dashurisë në fshatin Gorë të krahasuara me Romeon dhe Zhuljetën e Shekspirit të madh, këndi i çobanit, këndi i gatimit ose magja e bukës.
Kulla e Eksodit ose Kulla e mikpritjes, dhurate e popullit të Kosovës për familjet kuksiane qe hapen dyert dhe strehuan mbi 260 mijë refugjatë kosovarë në vitin e mbrapshte 1999, vit i luftes mes NATO-s dhe forcave shoviniste serbe
Reportazhi “Kukësi, qyteti me zemra të hapura” u realizua nga moderatori i emisioneve 'Veri Jug', gazetari Agim Pipa.
Emisioni transmetohet premierë në Report Tv çdo të dielë ora 13.30
Një rrëfim i rrallë në Muzeun Etnografik të Kukësit. Specialisti i Muzeut Liridon Cenaj, sjell historinë e djemve të fshatit. Të cilët, përmes një shkalle të drunjtë, ngjiteshin në çardakët e shtëpive të vajzave që dashuronin dhe takoheshin për të shprehur dashuritë e tyre.
Sipas Cenajt, këto histori ishin shumë të njohura dhe të lejuara nga ana e malsorëve, një rit që përsëritet edhe në ditët e sotme.
