Pyjet dhe kullotat nuk kanë shpëtim nga zjarret. Një vatër zjarri është aktivizuar në fshatin Pishkash të Prrenjasit, ndërsa flakët i janë drejtuar edhe një tjetër fshati, atij Karkavec.
Zjarrfikësja ka shkuar pranë vatrës për të bërë të mundur vënien nën kontroll të flakëve. Për fikjen e zjarrit po punohet edhe nga banorët.
Këtë mbrëmje një tjetër vatër zjarri e përmasave të mëdha është konstatuar edhe në Peqin, midis zonës malore të njësisë administrative Sheze dhe Bashkisë Belsh. Ndërhyrja nga toka duket e pamundur.
Prej ditësh vendi jonë është në "luftë" me flakët, ndërsa së fundmi situata është vënë disi nën kontroll. Më problematike kanë qenë vatrat në Kukës dhe Vlorë. Zjarret kanë sjellë impakte katastrofike për faunën e zonave pyjore dhe do të duan dekada për t’u rikuperuar.
Një zjarr është konstatuar në Peqin midis zonës malore të njësisë administrative Sheze dhe Bashkisë Belsh. Ndërhyrja nga toka duket e pamundur.
