Tottenham fitoi 2-1 kundër Liverpool për javën e shtatë në Premier League. Në fundjavë, të kuqve iu anullua një gol padrejtësisht për pozicion jashtë loje të paqenë, me VAR që pranoi gabimin.
Për shkak të golit të anulluar dhe pas komunikimit të zbuluar mes gjyqtarëve (dhe dhomës VAR), në kampin e Liverpool-it janë ende të inatosur. Tifozët janë të zemëruar, klubi është i pakënaqur dhe trajneri Jurgen Klopp ka marrë konfirmimin se ndaj skuadrës së tij u bë padrejtësi në ndeshjen që më pas u humb.
Pyetja kryesore që ngrihet prej fundjavës së kaluar është: Si ta korrigjojmë këtë padrejtësi? Jurgen Klopp është i bindur se për shkak të rrethanave të jashtëzakonshme, ndeshja thjesht duhet të riluhet.
"E vetmja zgjidhje e mundshme është të luhet sërish ndeshja. Asgjë e tillë nuk ka ndodhur më parë. Kështu që një riluajtje do të ishte e vetmja gjë e duhur. Unë nuk jam i inatosur me gjyqtarët, ata kanë bërë një gabim, jam i sigurt. Më mjafton që ndeshja të riluhet", tha Klopp.
Sigurisht, shanset që Premier League të përsërisë ndeshjen në fjalë janë praktikisht zero.
The full Liverpool vs Tottenham PGMOL VAR tape for Diaz’s offside goal
— TEJ (@sartejt) October 3, 2023
The worst part of it is, neither the VAR or aVAR referees noticed the mistake - it was the VAR operator (who has no say in the refereeing process)
Moral of the story, the people in charge of VAR are morons pic.twitter.com/PTDEf6GAJJ
S.DH/ReportTv.al
