Vapa është “armiku” kryesor personave që vuajnë nga diabeti dhe nga tensioni i lartë. Mjeku endokrinolog Florian Toti thotë se temperaturat e larta mund të çojnë në rritje akute të vlerave të diabetit dhe nevojën për ardhjen shtrimin në spital të pacientit.
“Të sëmurët që kanë probleme me tensionin e lartë rrezikojnë kriza hipertensive, duke shtuar rastet në urgjencë. Periudhën e verës duhen shtuar matjet për kontrrollin e diabetit se glicemitë e larta dhe vapa e madhe mund të cojnë në dekompensim akut të diabetit dhe nevojën për ardhjen në urgjencë apo shtrimin e pacientit.”-tha mjeku.
Toti tërheq vëmendjen për përdorimin e tepërt të frutave, duke sjellë në vëmendje se sheqeri që përmbajnë, mund të ndryshojë vlerat e sheqerit në gjak.
“Tek personat me diabet periudha e verës shoqërohet dhe me një shumëllojshmëri të frutave. Shtohet dhe rreziku që si pasojë e përdorimit të frutave të kemi dhe vlera më të larta të sheqerit. Prandaj nevojitet mbajtja e një balance mes një diete të ekuilibruar dhe nivelit të sheqerit.”
Këshilla të tjera kanë të bëjnë me ushqimet që duhen konsumuar, por edhe veshjet.
“Të merren masat më përpara , të përdoren kapelet , të konsumohet t paktn Litra ujë në ditë ose në forma të tjera të lëngjeve çaj pa sheqer ose në formën e dhallës. Duhet të kufizojnë daljet në oraret më të nxehta të ditës, pra nga ora 10/ 11 deri nga ora 4/5 pasdite. Nuk duhet mbajtur kondicioneri ndezur gjatë gjithë kohës. Për personat me diabet rekomandohet që çorapet të jenë pambuku dhe mos ecet asnjëherë zbathur sidomos ata që janë në plazh.”-tha ai.
Mjeku endokrinolog thotë se diabeti duhet mbajtur në kontroll vazhdimisht, por ngre shqetësimin se jo të gjithë mjekët i informojnë pacientët se i përfitojnë falas apo me rimbursim në bazë të kategorive.
G.MO//ReportTv.al