Ministria e Shëndetësisë ka publikuar urdhrin zyrtar të vaksinës me detyrim nga studentët dhe arsimtarët duke thënë se duhet të fillojnë të paraqesin certifikatën e vaksinimit që hyn në fuqi ditën e hënë. Kush nuk e paraqet këtë certifikatë të vaksinimit, duket të paraqes një test negativ PCR çdo javë. Gjithashtu studentë e pavaksinuar duke filluar që nga 11 tetorit do të përdorin platforma alternative që është mësimi online.
Edhe një ditë më parë Ministrja e Shëndetësisë, Ogerta Manastirliu bëri me dije se ditën e hënë hyn në fuqi urdhri për paraqitjen e certifikatës së vaksinimit nga personeli arsimor në të gjitha shkollat e vendit.
Ministrja u bëri apel të gjithë arsimtarëve që ende nuk janë vaksinuar, studentëve e pedagogëve, të paraqiten në qendrën më të afërt të vaksinimit për të kryer vaksinën ndaj COVID19.
Urdhri përmban të gjithë vendimet që ka marrë Komiteti Teknik i Ekspertëve, i cili përcakton që vetë institucionet shkollore, do duhet që të kontrollojnë nëpërmjet mekanizmave që do të ngrenë, të gjithë certifikatat e vaksinimit për personelin që do të jetë në shkolla dhe gjithashtu duke filluar nga data 11 tetor edhe për studentët.
Alternativa e mungesës së certifikatës së vaksinimit do të jetë testi i përjavshëm dhe mësim online për studentët e pavaksinuar.
.jpeg)
Urdhri i Ministria e Shëndetësisë
