Presidentja e Komisionit Evropian Ursula von der Leyen udhëtoi të shtunën në Bullgari për inaugurimin e një tubacioni të ri të gazit natyror midis këtij vendi dhe Greqisë, teksa theksoi vendosmërinë e BE-së për të mos u mbështetur në importet ruse të energjisë.
Duke folur në një ceremoni në Sofje, presidentja e Komisionit Evropian Ursula von der Leyen e përshëndeti tubacionin si një kontribut të rëndësishëm në kufizimin e mundësive që Rusia të përdorë rezervat e saj të gazit dhe naftës për të shantazhuar ose 'ndëshkuar' BE-në.
“Ky tubacion ndryshon situatën e sigurisë energjetike për Evropën. Ky projekt do të thotë liri”, tha von der Leyen para një auditori që përfshinte krerët e shteteve dhe qeverive nga rajoni.
“Komisioni Evropian ka zotuar afro 250 milionë euro për të financuar projektin”, tha von der Leyen.
Rëndësia e tubacionit Gas Interconnector Greqi-Bullgari, i cili përfundoi në korrik, është rritur ndjeshëm pasi Moska vendosi të kthejë furnizimet e saj të gazit natyror në një armë politike.
Gazsjellësi 182 kilometra (115 milje) shkon nga qyteti verilindor grek i Komotinit, ku lidhet me Gazsjellësin Trans-Adriatik, deri në Stara Zagora në Bullgarinë qendrore. Planet parashikojnë një kapacitet fillestar prej 3 miliardë metra kub gaz në vit dhe perspektivën e zgjerimit të ardhshëm në 5 miliardë metra kub.
Zyrtarja ekzekutive e projektit, Teodora Georgieva, tha se tubacioni i ri do t’i mundësojë Bullgarisë që të ndihmojë me furnizimin "me gaz të Ballkanit Perëndimor” dhe “të sigurojë edhe furnizime për Moldavinë dhe Ukrainën”.
S.C/ReportTv.al“Ne kemi mundësinë për të furnizuar me gaz Ballkanin Perëndimor, për të siguruar furnizime për Moldavinë dhe Ukrainën”, tha Georgieva.
Liri qe varet 100% nga Erdogani…kujdes me Erdoganin tani, se po e mbylli ai rubinetin, dhjeu gjithe lirine…
PërgjigjuLesh kesh thuaj ku do ta gjeni gjithe ate gas qe i nevojitet Europes ju ? Thjesht po behet nje politike e gabuar qe do te coj ne rrenimin e ekonomise nese nuk ndryshohet menyra e veprimit
Përgjigju