Nafta, benzina dhe gazi, do të kushtojnë më lirë në pikat e karburantit duke filluar nga dita e sotme. Nafta do të tregtohet me 226 lekë/litri, nga 231 që ishte një ditë më parë, duke pësuar një zbritje prej 5 lekësh.
Çmimi i benzinës është ulur me 4 lekë, duke shkuar në 208 lekë/litri, nga 212 që ishte. Çmimi i gazit ka rënë në 114 lekë/litër, nga 115 që ishte.
Vendimi u mor nga Bordi i Transparencës ditën e djeshme dhe do të jetë në fuqi deri në mbledhjen e radhës, por nuk bëhet me dije se kur do të zhvillohet.
Të gjitha pikat e karburanteve në vend janë të detyruara të zbatojnë këtë vendim, ose në të kundërt rrezikojnë gjobë apo deri edhe në mbyllje të aktivitetit.
Njoftimi i plotë i Bordit të Transparencës
Bordi i Transparencës në datë 1 Prill 2022, në mbledhjen e radhës vendosi:
Çmimi i shitjes me pakicë i nënproduktit gasoil i standardit SSH EN 590 të jetë 226 lekë/litri, ndërsa i shitjes me shumicë 214 lekë/litër.
Çmimi i shitjes me pakicë i nënproduktit benzinë e standardit SSH EN të jetë 208 lekë/litri,ndërsa i shitjes me shumicë 196 lekë/litër.
Çmimi i shitjes me pakicë i nënproduktit gaz, të jetë 114 lekë/litri me pakicë dhe i shitjes me shumicë 102 lekë/litër për automjetet.
( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).
Çmimet e caktuara nga Bordi do të jenë të vlefshme për periudhën 2 prill 2022 deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë.
Komente
Bordi i transparences po ben sa mundet. Ishalla dalim sa me shpejt nga kjo krize.
PërgjigjuCmimi po rritet ne gjithe boten , bordi po mundohet ta mbaje nen kontrrol cmimet ????????
PërgjigjuPo duhet te kontrollohen pra qe ti perballoje popull