TIRANË- 1508 testime, 557 të shëruar, 318 raste të reja dhe 11 humbje jete nga COVID. Ky është raportimi i ministrisë së Shëndetësisë për bilancin e COVID për 24 orët e fundit në vendin tonë, në të cilin vihet re se ka një ulje të rasteve ditore krahasuar me një ditë më parë, por një rritje të numrit të viktimave. Dje u raportuan 499 raste të reja dhe 10 humbje jete nga COVID, ndërsa sot numri i infektimeve është më i ulët se i të shëruarve.
Betejën me COVID e kanë humbur 11 qytetarë; 3 qytetarë nga Tirana, 2 qytetarë nga Durrësi, 2 qytetarë nga Peqini, 2 qytetarë nga Fieri, 1 qytetar nga Saranda, 1 qytetar nga Elbasani të moshave 51-81 vjeç. Gjithsej janë kryer 1508 testime dhe kanë rezultuar pozitivë, 318 qytetarë. Rastet pozitive të konfirmuara janë identifikuar në këto bashki:
134 raste në Tiranë, 29 raste në Fier, 23 raste në Vlorë, 17 raste në Sarandë, 12 raste në Lushnje, 11 raste në Durrës, 8 raste në Elbasan, 7 raste në Shkodër, Berat, Delvinë, 6 raste në Mirditë, Mallakastër, Kamëz, 5 raste në Korçë, Mat, 4 raste në Has, Gjirokastër dhe Dibër, 3 raste në Krujë, Lezhë, Kavajë, 2 raste në Rrogozhinë, Përmet, Tepelenë, Divjakë, Gramsh, 1 rast në Kurbin, Tropojë, Bulqizë, Skrapar.
Ndërkaq në 24 orët e fundit janë shëruar 557 qytetarë, duke e çuar numrin e të shëruarve 32,122 që nga fillimi i epidemisë. Numri i të shtruarve në spitale vijon të jetë i qëndrueshëm. Aktualisht në 4 spitalet COVID, po trajtohen 296 pacientë, 21 në terapi intensive nga të cilët 6 pacientë janë të intubuar. Ministria e Shëndetësisë dhe Mbrojtjes Sociale ju bën apel qytetarëve, respektoni rregullat gjatë festave për të parandaluar përhapjen e COVID-19.
"Shmangni grumbullimet dhe ruani distancimin fizik; vendosni maska mbrojtëse në çdo ambient jashtë shtëpisë; kujdeseni për higjenën vetjake. Është koha të zbatojmë me përpikmëri këto tre rregulla, për mbrojtjen e shëndetit. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për t’u referuar për testim, ndjekje të vazhdueshme dhe për rimbursimin e barnave të trajtimit ambulator në banesë.
Nëse nuk e dini cili është mjeku juaj i familjes, telefononi linjën e gjelbër falas 0800 40 40 për ta mësuar dhe për t’u vendosur në kontakt me mjekun tuaj të familjes. Gjithashtu është në dispozion 24 orë në 7 ditë të javës numri unik 127 i Urgjencës Kombëtare, ku mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID", apelon ministria.
COVID-19 – Statistika (28 Dhjetor 2020)
Raste të reja ditore 318
Të shëruar në 24 orë 557
Të shtruar në spitale 296
Humbje jete në 24 orë 11
Testime ditore 1508
Testime totale 255,197
Raste pozitive 56,572
Raste të shëruara 32,122
Raste Aktive 23,286
Humbje jete 1164
Shpërndarja gjeografike e rasteve aktive sipas qarqeve
Tiranë 13301
Fier 1573
Shkodër 1316
Durrës 1237
Vlorë 1006
Korçë 949
Elbasan 866
Berat 861
Lezhë 837
Gjirokastër 511
Kukës 447
Dibër 382
Mësuesi Nehat Sokoli dhe inspektori i antidrogës në Policinë e Beratit, Klodian Shevroja
COVID- 19 i ka marrë jetën një mësuesi në Kukës. Lajmin e ka bërë të ditur kreu i Bashkisë së Kukësit, Safet Gjici.
"Me dhimbje të thellë dhe hidhërim të madh mësova lajmin e hidhur të ndarjes nga jeta në mënyrë të papritur nga kjo pandemi famëkeqe mësuesit të njohur kuksian Nehat Sokoli. Më lejoni që në këto momente të dhimbshme t’i shpreh familjes, të afërmve të tij ngushëllimet më të sinqerta, në emrin tim personal dhe të qytetarëve kuksian. U prehsh në paqe", shkruan Gjici.
COVID-19 i merr jetën i Inspektorit të Antidrogës në Drejtorinë Vendore të Policisë Berat. Klodian Shevroja ishte prekur nga COVID-19, por për shkak të agravimit të situatën së tij shëndetësore Shavroja u shtrua në Spitalin "Shefqet Ndroqi", ku qëndroi rreth 2 javë në oksigjenim. Ditët e fundit, inspektori Klodian Shevroja u përkeqësua dhe mjekët e intubuan. Ai nuk e mposhti dot betejën me virusin dhe pas dy ditësh në intubim, ndërroi jetë.
38-vjeçari Klodian Shevroja, punonte që prej muajit Prill si inspektor antidroge në DPV Berat.
Komente
Djale i shkelqyer Klodi , i papertuar e i pakorruptueshem , prandaj vdiq ketu se nuk kishte leke te ikte jashte shtetit te kurohej si keta agallaret e biznesit dhe politikes.I ndritte shpirti ne boten tjeter, iku pa zhurme ashtu si edhe jetoi.
Përgjigju