Një delegacion ekspertësh të UEFA-s kanë mbërritur sot në Tiranë për të monituaruar procesin e zgjedhjeve në Federatën Shqiptare të Futbollity. Sipas njoftimit të FSHF në përbërje të këtij delegacioni janë Luca Nicola (Shef i qeverisjes së federatave anëtare në UEFA), Luka Zajc (Shefi i Çështjeve Korporative) dhe Yann Hafner (Ekspert i çështjeve statutore dhe rregulloreve).
FSHF njofton se pasi të njihet me të gjitha problematikat, pretendimet e palëve dhe të shqyrtojë dokumentacionin e procesit zgjedhor, misioni monitorues i UEFA -s do të përgatisë një raport të detajuar që do të t’i paraqitet Presidentit të UEFA-s, Alexander Ceferin, Kryeministrit Edi Rama si edhe FSHF-së.
Delegacioni do të qëndrojë disa ditë në Tiranë, pasi UEFA është shumë e ndjeshme në rastet e ndërhyrjes së politikës në çështje të futbollit dhe procesin zgjedhor për organet drejtuese të FSHF-së.
Kujtojmë se para disa ditësh FSHF mbylli përmes një procesi manipulativ zgjedhjet në 8 shoqatat rajonale të futbollit që kanë gati 50% të votave në asamblenë e 2 marsit.
Më 10 shkurt Gjykata e Tiranës rrëzoi asamblenë e mbajtur në zyrat e FSHF në 24 janar që zgjodhi Krenar Alimehmetin dhe njohu Asamblenë e Shoqatës rajonale të futbollit Tiranë që zgjodhi Eduard Prodanin si kryetar FSHF ende nuk ka reaguar. Pas vendimit të Gjykatës së Tiranës pritet që e njëjta gjë të ndodhi edhe me zgjedhjet në shoqatat e tjera pas denoncimeve për manipulime që janë bërë në Prokuroritë përkatëse. Në gjykatë për manipulimet e federatës janë edhe shoqatat e Durrësit, Gjirokastrës dhe Shkodrës, ndërsa edhe Fieri e Korça kanë patur kundërshti të forta.
Në këtë situatë shanset më të mëdha janë që në 2 mars të mos ketë garë dhe Asambleja zgjedhore e FSHF të shtyhet. Në garë janë të konfirmuar Armand Duka, komentatori Dritan Shakohoxha dhe ish-sekretari i përgjithshëm i federatës Sulejman Starova.
K.T./ReportTv.alKomente
Nuk I shtoj asnje pik apo presje dy komenteve ma posht.Ghithca ka kry,votim ne rresht zgjidhet Duka ne sy te hujve sic ka than Paulin Preka ne at humorin DHOM E HU ose HU E DHOM.
PërgjigjuKeta shulat e UEFA-s nese nuk kontaktojne rivalet dhe kundershtaret e Dukes dhe te njihen me vendimin gjyqesor te gjyk.te Tiranes, do te dalin lloz.Duka zgjodhi <<elektoret>> e tij dhe keta kane per te votuar si dikur populli per PPSH, 99.99 % votat per FRONTIN (Duken).
PërgjigjuPo keta erdhen te monitorojne procesin e votimit mbasi ka mbaruar votimi ne rrethe?! Domethene do monitorojne sa te lire do votojne njerezit qe ka zgjehdur Duka ne diten e asamblese?! C'jane keto budallalliqe?!
Përgjigju