Një senator i Washingtoni-t, Jeff Wilson, u arrestua në aeroportin në Hong Kong dhe u akuzua për posedim të një arme zjarri të paregjistruar. Ai u lirua me kusht të dielën dhe do të përballet me një seancë dëgjimore më 30 tetor.
"Ishte një gabim i sinqertë dhe unë pres që situata të zgjidhet së shpejti", tha ai në një deklaratë.
Wilson tha për mediat se nuk e kuptoi se arma e shkarkuar ishte në çantën e tij kur kaloi përmes sigurisë në aeroportin në Portland, Oregon. Një zëdhënës i Portit të Portland, i cili operon Aeroportin Ndërkombëtar, referoi një kërkesë për koment Administratës së Sigurisë së Transportit, e cila menaxhon të gjithë kontrollin e pasagjerëve në aeroport, raporton agjencia e mediave nbcnews.
Wilson tha në deklaratë se ai e zbuloi armën gjatë fluturimit të tij nga San Francisko në Hong Kong, kur mori në çantën e tij një çamçakëz. Ai njoftoi menjëherë autoritetet doganore pas uljes në territorin kinez duke thënë se arma ishte e rreme.
S.S/ReportTv.al