U zhduk 2 vite e gjysmë më parë, gjendet i pajetë turpi i 24-vjeçari Klevis Lleshi! Dyshohet se u mor peng e më pas u vra e u gropos në Shpërdhet të Kurbinit

Ishte shpallur dy vite e gjysmë më parë i zhdukur, polici e Kurbinit ka gjetur trupin e pajetë të 24 vjeçarit Klevis Lleshi. Burime bëjnë me dije se trupi i të riut është gjetur i groposur në fshatin Shpërdhet të Mamurrasit. Ai është zbuluar si rezultat i erozionit dhe banorë të zonës kanë njoftuar policinë e cila më pas ka kryer testin e ADN-së dhe ku ka rezultuar se i përkiste të riut nga Mati, Klevis Lleshi

6 Shkurt 2023, 15:46| Përditesimi: 6 Shkurt 2023, 19:11

  • Share

LEZHË- Klevis Lleshi i riu nga Burreli që u zhduk pa lënë gjurmë në gusht të vitit 2020, dyshohet të jetë vrarë dhe më pas është groposur në fshatin Shpërdhet të Kurbinit. Disa mbetje kockore që u gjeten nga banorë të zonës disa muaj pas ngjarjes konkretisht në dhjetor të vitit 2020, i përkasin të riut nga Mati. Diçka e tillë është vërtetuar pas ekzaminimeve të kryera nga  Instituti i Policisë Shkencore, me anë të ADN-së.

Akti i ekspertimit ka mbërritur këtë të hënë në policinë e Lezhës, e cila ja ka përcjellë menjëherë Prokurorisë së Matit, e cila po heton rastin që prej denoncimit të familjareve të Klevis Lleshit me 5 gusht të vitit 2020, të cilët kishin humbur kontaktet me djalin e tyre.

I riu që në atë kohë ishte 21-vjeç dyshohet të jetë marrë peng në afërsi të Pallatit të Sportit në qytetin e Burrelit e më pas të jetë vrarë e groposur në Shpërdhet të Kurbinit, fshat i cili ndodhet në një terren të thyer malor rreth 10 km larg qytetit të Mamurrasit. Mbetjet kockore dolën në sipërfaqe nga fenomeni eroziv në këtë zonë që solli rrëshqitjen e tokës në një sipërfaqe të konsiderueshme.

Kanë qenë banor të zonës të cilët njoftuan policinë në lidhje me rastin dhe blutë u vunë menjëherë në lëvizje, duke kryer të gjitha veprimet dhe dërguar eshtrat për ekspertizë në institutin e policisë shkencore në Tiranë. Gjetja e eshtrave të të riut, pritet të ndihmojë grupin hetimor për të vijuar hetimet në zbardhjen e kësaj ngjarje të rëndë.

Saga e vrasjeve në familjen Lleshi ka nisur dhjetë vite më parë. I ati i Klevisit, Xhavit Lleshi u vra në një pritë në vendin e quajtur “Pujkë” në vitin 2013, ndërsa pak vite më pas i është vrarë xhaxhai Hajredin Lleshi, pranë shtëpisë në zonën e Matit.

M.Q.//ReportTv.al
Komento

Komente

  • Eli: 07/02/2023 21:02

    Jetoim nje nje shtet mizere

    Përgjigju
  • Coku: 06/02/2023 18:15

    Kta me mbiemer hoxha qenkan me te fortet ne mamurras

    Përgjigju
  • Qwert: 06/02/2023 16:43

    Cfare kafshesh jetojne ne Shqiperi. A vritet ky femije?! Ju thafte dora qe as kanun nuk njihni. 4 varre per 1.

    Përgjigju
    • Aldi: 06/02/2023 16:55

      Ska shtet

  • 4 per 1: 06/02/2023 16:13

    Pervec tyre eshte zhdukur dhe nje kushuri ne Kamez

    Përgjigju
    • bukurie: 06/02/2023 16:59

      Ska ma Enver Hoxhe . Ja pra kjo eshte fytyra e policies dhe e shtetit populli me meshire te fairy.

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?