Bolonja, Itali - Trajneri kampion i Interit, Simone Inzaghi mori çmimin 'Bulgarelli' në një ceremoni të zhvilluar në Bolonja dhe personi që ia dorëzoi dëshminë ishte as më pak e as më shumë trajneri legjendar Arrigo Sacchi.
Në fjalën e tij, Inzaghi nuk harroi të kaluarën te Lazio duke falenderuar presidentin Claudio Lotito dhe ish-drejtorin Igli Tare për mundësinë që i dhanë për të drejtuar klubin e Serie A, para se të kalonte te Interi.
"Ky ka qenë një rrugëtim i gjatë, i nisur nga larg. Unë kisha fatin që mbërrita te Interi, rrugëtimi te Lazio ka qenë shumë i rëndësishëm. Falënderoj Lotiton dhe Taren që më kanë dhënë një mundësi shumë të madhe. Pastaj duhet gjithmonë që të mundohesh të përmirësohesh”, tha trajneri i Interit.
Trofeu i Interit për këtë sezon është i 20-ti në histori për ta në Serie A, duke marrë edhe yllin e dytë në fanellë.
????️Le parole di #Inzaghi dopo la consegna del premio Bulgarelli come migliore allenatore italiano ⚫️????⭐️⭐️⤵️pic.twitter.com/LUVpMjmzEQ
— SPONDA NERAZZURRA (@spondainter) May 6, 2024
S.DH/ReportTv.al
