Kryeministri i Kosovës, Albin Kurti ka reaguar në lidhje me dënimin përjetë të Ratko Mlladiç për gjenocid. Kurti shkruan se Serbia e portretizoi atë si një hero. Sipas tij, ky vendim është një kujtesë se mohimi i krimeve në Kosovë e Bosnjë duhet të marrë fund.
“Krimineli famëkeq i luftës, Ratko Mlladiç, i njohur si ‘Kasapi i Bosnjës e Hercegovinës’, dënohet me burgim të përjetshëm për gjenocid. Serbia e fshehu dhe e portretizoi atë si një hero. Por ky vendim është një kujtesë se mohimi serb i krimeve të së kaluarës në Bosnje-Hercegovinë dhe Kosovë duhet të marrë fund”, shkruan Kurti në twitter.
Lajmi kryesor:
Ekzekutori i të paktën 8000 të pafajshmëve, dënohet përfundimisht me burg përjetë për gjenocid 'Kasapi i Bosnjës', Ratko Mlladiç
SI.E./ReportTv.al