AUSTRALI - Rohan Dennis, dy herë kampion bote në çiklizëm gjatë viteve 2018 dhe 2019, është arrestuar pasi akuzohet se ka vrarë bashkëshorten e tij. Çiklisti 33-vjeçar është vënë dje në pranga në Adelaide, ku edhe jetonte, teksa mediet australiane bëjnë me dije se Dennis ka përplasur qëllimisht bashkëshorten e tij me një makinë të familjes, pranë shtëpisë ku jetonin.
Hetuesit mblodhën prova që shtojnë dyshimet se çiklisti e ka vrarë qëllimisht ish-bashkëshorten, duke qenë se prej kohësh kishin mosmarrëveshje. Melissa Hoskins dhe Dennis u martuan në vitin 2018 dhe kanë dy fëmijë.
Në shkurt, Dennis njoftoi se do të tërhiqej në fund të sezonit 2023 pas një karriere në të cilën ai fitoi faza në Tour de France, Giro d'Italia dhe Gara e Spanjës.
Melissa Hoskins, gjithashtu ish-çikliste, përfundoi në spital me plagë të rënda dhe nuk ia doli të mbijetojë, teksa fillimisht Dennis u hetua për drejtim të pakujdesshëm të makinës.
S.DH/ReportTv.al