Tre aksidente kanë ndodhur gjatë ditës së sotme në Tiranë, Rrogozhinë dhe në Sarandë, ku si pasojë një person ka humbur jetën.
Në aksin rrugor Rrogozhinë-Peqin një 50-vjeçar i cili po udhëtonte me motor u përplas për vdekje nga një drejtues automjete.
Ndërkohë më herët në orët e para të mëngjesit dy makina u përplasën kokë më kokë në zonën e Porcelanit në Tiranë dhe njëra përfundoi e përmbysur në rrugë.
Sakaq, në aksin Gjirokastër - Sarandë 4 automjete kanë dalë nga rruga në zonën e Muzinës. Nuk raportohet për persona të lënduar, ndërsa dyshohet se shkak ka qenë lagështia në rrugë.
Komento
