Dy persona janë arrestuar nga policia e Lushnjës ditën e sotme. Një 54 vjeçar i identifikuar si G.T, banues në Vlorë, është vënë në pranga pasi ishte shpallur në kërkim nga policia e Sarandës për ndihmë për kalim të paligjshëm të kufijve ndaj emigrantëve të huaj.
Ndërsa në Divjakë është arrestuar 57 vjeçari G.M, i cili është kapur teksa kishte shkelur masën e sigurisë “arrest shtëpie”. Gjykata ia kishte caktuar këtë masë për veprën penale “shpërdorim detyre”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
B.V/ReportTv.al
Komento
