Kryetari i Akademisë së Shkencave, Skënder Gjinushi tha se vendimi i ministrisë së Arsimit për transferimin e instituteve të Akademisë së Studimeve Albanalogjike do të rrisë kapacitetin intelektual në kërkimin shkencor shqiptar.
Ai tha se ASA kishte mundësinë ose të kthehej në shkollë të lartë ose të dilte nga ai institucion, duke u bashkuar me Akademinë e Shkencave. Sipas Gjinushit, vetë Akademia e Studimeve Albanalogjike nuk e donte diçka të tillë, pra kthimin në institucion të arsimit të lartë sepse në këtë mënyrë vendi mbetej pa institut albanologjik.
“Këtë herë do punohet pë të rritur kapacitetin intelektual në kërkimin shkencor në tërësi. Ardhja e ASA-s pranë nesh lehtëson punën shkencore. Ligji për arsimin e lartë rregullon funksionimin e shkollave të larta. Atëherë ASA sduhet të zgjidhte ose të bëhet shkollë e lartë ose të dalë nga institucionit. Pjesën e shkollës së lartë ASA nuk e do as vetë. Sepse ajo do e linte Shqipërinë pa Institute Albanalogjike.
Ndërsa theksoi se një vendim i tillë nuk do të thotë mbyllje e Akademisë së Studimeve Albanalogjike por transferim i instituteve të këtij institucioni.
Ditën e djeshme Këshilli i Ministrave, ka vendosur transferimin e instituteve të Akademisë së Studimeve Albanalogjike në Akademinë e Shkencave. Në një deklaratë për mediat ministrja e Arsimit, Evis Kushi tha se një vendim i tillë ishte i domosdoshëm për rritjen e nivelit të kërkimit shkencor, duke theksuar se ASA si institucion nuk ishte i akredituar ndërsa prej 8 vitesh nuk kishte regjistruar asnjë student.
Vendimi u përshëndet nga Akademia e Shkencave. Ndërsa në një deklaratë, senati i ASA-s tha se vendimi i Këshillit të Ministrave është tërësisht politik, duke e konsideruar si dëm shumë të madh për kërkimin shkencor si dhe për marrëveshjet ndërkombëtare të firmosura me institucionet e huaja.
B.V//ReportTv.alKomente
Uehhh. Kapacitet intelektual thote Gjinushua. Ja dhe nje nga shume efektet anesore te persekutimit te intelektualitetit dhe zgjuarsise nga qeverite “dashamirese” kombetare qysh ne 1944. Gjinushi dhe intelektualizmi i tij eshte si gamori dhe miresjellja e tij.
Përgjigju