Torta Pasqualina / Byrek sfoljat me spinaq, gjizë dhe vezë
Përbërësit:
- 2 petë sfoljat
- 500 gr spinaq
- 350 gr gjizë
- 1 thelpi hudhër
- 50 gr djathë parmixhano
- 6 kokrra vezë
- Vaj ulliri
- Kripë, piper
Përgatitja:
Ziejmë spinaqin në avull dhe më pas e kaurdisim me një thelpi hudhër dhe pak vaj. Pasi të jetë gatuar, e vendosim në dërrasën e punës dhe e presim. E vendosim spinaqin në një tas të madh ku shtojmë gjizën, një vezë, kripën, piperin dhe djathin parmixhano dhe i përziejmë mirë. Në një tavë rrethore me unazë (që përdorim kryesisht për kek) vendosim nje petë sfoljat. Shpojmë pjesën e poshtme me ndihmën e një piruni dhe derdhim përzierjen e spinaqit me gjizë. E nivelojmë mirë dhe krijojmë 5 gropëza me ndihmën e një luge. Më pas thyejmë 5 vezët në to duke pasur kujdes që të mos hapet e verdha. Vendosim petën tjetër të brumit dhe mbulojmë mbushjen. E shpojmë përsëri petën, mbyllim skajet duke bashkuar bukur anësoret e dy petëve sfoljat. E vendosim të piqet në 200° për 15 minutat e para dhe më pas në 180° për 20-25 minuta të tjera.
MC/ReportTv.alKomente
Në pashkët katolike zakoni ka qenë të gatuhet perpeq e jo byrek.
Përgjigju