Ndeshja mes Milanit dhe Veronës e programuar për t'u zhvilluar këtë të shtunë në 15:00 do duhet të fillojë me 25 minuta vonese. Për shkak të rreshjeve të shumta të shiut në Milano, arbitri i sfidës Maresca, së bashku me drejtuesit e dy klubeve dhe federatës kanë vendosur që sfida të vijojë po sot, me 25 minuta vonesë.
Dueli vlen për javën e pestë në Serie A, teksa kuqezinjtë vijnë nga humbja 5-1 në derbin me Interin dhe kërkojnë reagim përballë tifozëve të tyre. Duket se kushtet e motit janë përmirësuar, me topin që ngecte mes shiut në "San Siro". Ky përmirësim i motit dhe rreshjet më të pakta kanë bërë që dueli të luhet po sot, por me disa minuta vonesë.
S.DH/ReportTv.al
Komento
