TIRANË - 36 është numri i rasteve të dyshuara me koronavirus në Shqipëri, të cilët pasi kanë kryer analizat në laboratorin e Institutit të Shëndetit Publik kanë rezultuar negative.
Shefja e Epidemiologjisë në Institutin e Shëndetit Publik, Eugena Tomini në një deklaratë për mediat, tha se rastet e testuara janë persona që kanë pasur histori udhëtimesh në vendet ku ka shpërthyer epidemia, si dhe shenja të infeksionit respirator.
Deri më tani, në 24 orët e fundit në total kanë hyrë 17.830 udhëtarë në pikat kufitare, ku mes tyre vëmendja më e veçantë ka qenë ndaj atyre të kthyer nga Italia, apo shtete të tjera të prekura, të cilëve u sugjerohet të qëndrojnë në vetëkarantinim për 14 ditë.
Ndërkohë, në numrin 127, në 24 orëve të fundirt janë bërë 1649 telefonata - tha Eugena Tomini, dhe nga këta, janë 39 udhëtarë që u janë sugjeruar vetëkarantinim, dhe nëse pas telefonatave edhe me numrin e gjelbër 127, gjendja shëndetësore vështirësohet, rastet shkojnë tek Shërbimi Infektiv - tha Tomini.
Testimet sipas Tominit - bëhet sipas rekomandimeve universale sipas protokolleve të OBSH-së.
Për 5 rastet e fundit që kanë rezultuar negative ditën e djeshme, Shefja e Epidemiologjisë në Institutin e Shëndetit Publik tha se pasi janë marrë mostrat e tyre dhe pasi kanë dalë përgjigjet negative për koronavirus rreth pas 8 orësh, ata janë shtruar në pavion, sepse përjashtohen si raste të dyshuar me COVID - 19.
G.M.//ReportTv.alKomente
Ke plot raste ne shume shtete qe kane rezultuar negativ dhe pas 1 jave testim kane rezultuar pozitiv! Do ishte mrekulli te besoja se nuk ka ende asnje rast ne Shqiperi por nuk eshte logjikisht e mundur. Juve ose nuk keni testera dhe dilni beni propagande kot, ose i beni gabim analizat, ose duhet ti ri-testoni rastet serish! Nese vini ne rrezik jeten e qytetareve dhe te popullit Shqiptar nuk do ngelet asnje Shqiptar me, pasi edhe vete kapacitetet e sistemit mjeksor ne Shqiperi jane tejet te limituara per te perballuar epidemi te ketij virusi. Merrni Masa! Lerini deklaratat boshe per tjeter here
Përgjigju