TIRANË- Nëpërmjet një shkrese drejtuar Ministrisë së Shëndetësisë, farmacistët kërkojnë që të përshihen në grupet prioritare të procesit të vaksinimit anti-covid.
Presidentja e Urdhrit të Farmacistëve, Diana Toma thotë se vaksinimi i farmacistëve është një domosdoshmëri, ndërsa shpreh hapur dhe përjashtimin që i është bërë kësaj kategorie nga institucionet e shëndetësisë.
“Kjo kërkesë nuk i mbetet dëshirës dhe preferencës, pra që preferojmë të vaksinohemi, por kjo kërkesë i referohet domosdoshmërisë së vaksinimit të të gjitha bluzave të bardha. Ngren pyetjen cili është ai grup që etiketohet grup profesionistësh dhe ekspertësh të cilët kanë bërë përjashtimin e farmacistëve nga kategoria për të cilët vaksinimi duhet të jetë prioritet”, tha Toma.
Dëfrim Goma, sekretar i përgjithshëm tregon se janë rreth 2500 farmacistë në rrjetin e hapur që janë kategori më e riskuar e rrjedhimisht duhet të vaskinohen.
“Numri i farmacistëve që punojnë në rrjetin e hapur dhe në farmacitë spitalore nuk i kalojnë 2500, që do të thotë se nuk duhen më shumë se 5000 doza për t’i vaksinuar”, tregon Goma.
Për farmacisten Teuta Maçi risku gjatë muajve të pandemisë ka qenë i madh. Ajo shpjegon se një pacient i sëmurë ballafaqimin e parë e ka me farmacistin.
“Duhet të keni parasysh që pacienti i sëmurë ballafaqimin e parë e ka në farmaci. Pra përplasjen e parë me personelin mjekësor e gjen te ne, dhe vjen te ne kur ka simptoma, se përndryshe nuk ka pse të vinte. Dhe është momenti kur personi është më ngjitës, në ditët e para të sëmundjet”, tha farmacisti.
Ndërkohë që Shqipëria po njeh shifra rekord të infektuarish, ndërgjegjësimi i qytetarëve është ulur. Kjo evidentohet dhe nga rënia e blerjeve për maska dhe dezifektant në farmaci.
“Ka një rënie të blerjeve të maskave dhe dezinfektantëve, kjo mendoj që vjen se ka ikur frika e tmerrshme që shoqëronte fillimin, njerëzit janë lodhur dhe vihet re një neglizhencë më e madhe”, vijoi ai.
Sot u vaksinuan 60 mjekët dhe infermierë në Stadiumin ‘Air Albania’. 687 personel e kanë marrë dozën e parë dhe 182 personel shëndetësor kanë marrë dozën e dytë. Në total deri tani janë administruar 869 doza të vaksinës anti-COVID.
B.K.//ReportTv.alKomente
Doni te gjithe na1 thele ju. Dale me radhe e e ser do e hani te tere
Përgjigju