'Ndërmjetësi', operacioni i radhës i SPAK në goditje të korrupsionit vuri në pranga 3 persona dhe 3 të tjerë në hetim, njëri prej të cilëve i pezulluar nga detyra, nisi nga një hetim fillimisht për blerjen e votave.
Detaji zbulohet nga dosja hetimore, e cila është siguruar nga Report Tv. Në dosje thuhet se disa shtetas kanë ofruar shumë të konsiderueshme monetare për të votuar në mbështetje të një subjekti politik në zgjedhjet e parlamentare të 25 prillit.
Të arrestuar janë Gazmend Canaj, 49 vjeç, Admir Burri, 44 vjeç, Neritan Bablusha, 52 vjeç, të 3 të dyshuar për kryerjen e veprës penale “Ushtrimi i ndikimit te paligjshëm ndaj personave që ushtrojnë fuksione publike”. Report Tv mëson se ata kryenin rolin e detyrës së sekserit, me qëllim tjetërsimin e pronave.
Në dosje flitet edhe për një shifër prej 2 milion lekë, ku me mesazhe telefonike Besnik Hyka, zyrtar i Kadastrës, i dërgon Gazmend Canaj me përmbajtien: "Gazi 2 milijon lekë i ke në dorë, vetëm nxirr certifikatën e tokës, i kam futur dokumentat“.
Ndërsa Canaj i përgjigjet: O gjigant a e ke vënë në vijë?
K.T.//ReportTv.al
