TIRANË- Amarildo Kamberi (Kuçi), 31-vjeç është vetëdorëzuar në polici pasi plagosi finjin Xhevahir Kolaveri, dy ditë më parë (17 shkurt) pas sherrit për vendosjen e pengesave në rrugë, për të ulur shpejtësinë e makinave.
Ngjarja ndodhi rreth orës 17:35 në rrugën ‘Haki Shehu’ në Tiranë. Konflikti nisi fillimisht verbalisht, por më pas agravoi me përdorimin e armës. 31-vjeçari qëlloi me armë zjarri fqinjin e tij, 47-vjeç, i cili mbeti i plagosur dhe dërgua në spital e ndodhet jashtë rrezikut për jetën.
Në cilësinë e provës materiale u sekuestrua arma e zjarrit pistoletë, e dyshuar e përdorur gjatë ngjarjes, dhe sasi municioni luftarak. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
M.Q.//ReportTv.al