Tiranë - Një 27 vjeçar u arrestua në Tiranë pasi akuzohet se përndoqi një shtetase për disa muaj
Arrestimi i tij u krye nga policia e komisariatit nr 6 në kuadër të një operacioni të koduar "Cross road" të ndjekur me metoda speciale të hetimit.
Në banesën e tij iu gjetën dhe municione luftarake.
“Ky shtetas dyshohet se ka përndjekur një shtetase, për disa muaj. Gjatë kontrollit në banesën e tij, në Shijak, shërbimet e Policisë gjetën një sasi municioni luftarak, të cilin e sekuestruan në cilësinë e provës materiale” informoi policia e Tiranës.
I ndaluar është shtetasi A. C., 27 vjeç, banues në Shijak, Durrës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë.
Ministri i Brendshëm, Taulant Balla në një reagim për arrestimin e një 27 vjeçari në Tiranë pasi përndoqi një vajzë për disa muaj bëri thirrje kundër dhunës me bazë gjinore.
“Stop dhunës me bazë gjinore. Ta ngacmosh një vajzë në rrugë është dhunë. Ta përndjekësh është dhunë. Ta ndalosh të shkojë në punë është dhunë”, theksoi Balla.
“Viktimat e dhunës seksuale dhe me bazë gjinore duhet të mbrohen dhe trajtohen me dinjitet e respekt. Është detyra jonë, është detyra e Policisë së Shtetit të rrisim vigjilencën dhe ta adresojmë me vendosmëri dhunën në të gjitha format e saj dhe të marrim masat për të parandaluar dhunën ndaj vajzave, grave, për të mbrojtur viktimat dhe për t’i ndjekur penalisht autorët e krimit”, theksoi Balla në një postim në rrjetet sociale.
Balla nënvizoi se, viktimat e dhunës nuk duhen stigmatizuar, por duhet t’ju ofrojmë mbrojtje, mbështetje dhe riintegrim të plotë në punë dhe shoqëri.
“Dhuna ndaj grave dhe vajzave ka shumë forma. Prandaj nuk duhet më asnjë justifikim për dhunën ndaj grave”, theksoi Balla.
Komente
Bravo Z. Balla!..go ahead!
Përgjigju