TIRANË- Një makinë në bulevardin kryesor "Dëshmorët e Kombit" para kryeministrisë është përfshirë nga flakët mesditën e sotme.
Në vendin e ngjarjes kanë mbërritur forcat zjarrfikëse që kanë vënë nën kontroll flakët. Fatmirësisht nuk ka pasur të lënduar përveç dëmtimeve të shumta materiale të mjetit tip ‘benz’.
Duke u bazuar në njoftimin zyrtar mësohet se shkak për zjarrin është bërë një defekt teknik i mjetit.
Në punën e policisë kërkohen që të bëhet edhe heroizma. Më së miri këtë e tregoi edhe rasti i sotëm në Tiranë kur ndërhyrja e menjëhershme e një prej punonjësve të Policisë Bashkiake bëri të mundur shuarjen e flakëve në një automjet në Bulevardin “Dëshmorët e Kombit”.
Falë reagimit të shpejtë, jo vetëm incidenti kaloi pa të lënduar, por edhe flakët nuk arritën që të djegin të gjithë automjetin, çka bëri që dhe qarkullimi I automjeteve të mos bllokohej në një segment me qarkullim tepër të madh.
Janë jo të pakta rastet kur punonjësit e Policisë Bashkiake ndërhyjnë duke ju ardhur në ndihmë qytetarëve si dhe për kontrollin e territorit.
