TIRANË - Javën e ardhshme në Tiranë do të ndërpritet energjia elektrike për disa orë në disa prej zonave të kryeqytetit.
Për shkak të remontit të planifikuar në NST “Uzina Dinamo”, nga e hëna në të premte (21-25 shtator) gjatë orës 09:00-13:00 do të stakohet energjia.
Duke filluar nga dita e nesërme (21 shtator) zonat e para që do të preken janë zona pranë shinave të Trenit, zona pas spitalit të Traumës, zona tek ish-Parku i Autobusave, rruga “Don Bosko”, rruga “Vangjel Noti”, zona pranë ish-Kombinatit.
Të martën, të mërkurën dhe të enjten zonat që do të preken janë Paskuqani, Bathore dhe Kodra e Kuqe.
Të premten do të ndërpritet energjia në rrugët ”Jordan Misja”, ish- ”Uzina Dinamo”, ”Siri Kodra”, ”Don Boski”, ”ish- Kombinati”, zona pranë UBT, Babrru dhe Kodra e Kuqe.
Njoftimi i plotë i OShEE-së:
Për shkak të remontit të planifikuar në NST “Uzina Dinamo”, në datat 21-25 shtator gjatë intervalit kohor 09:00-13:00 do të stakohet energjia në këto zona në Tiranë
21 shtator
Pjesërisht: Zona pranë shinave të Trenit, zona pas spitalit të Traumës, zona tek ish-Parku i Autobusave, rruga “Don Bosko”, rruga “Vangjel Noti”, zona pranë ish-Kombinatit
22 shtator
Pjesërisht: Paskuqan, Kodër Kamëz, zona pranë Universitetit Bujqësor
23 shtator
Pjesërisht: Paskuqan, Bathore lagjet 2,3,5, Paskuqan 2, Babrru, zona e Kodrës së Kuqe
24 shtator
Pjesërisht: Bathore, Paskuqan, rruga “Jordan Misja”
25 shtator
Pjesërisht: Rruga “Jordan Misja”, zona pranë ish “Uzina Dinamo”, rruga “Siri Kodra”, zona pranë shinave të Trenit, zona pas spitalit të Traumës, Paskuqan, Bathore lagjet nr.2, 3 dhe 5, zona tek ish-Parku i Autobusave, rruga “Don Bosko”, rruga “Vangjel Noti”, zona pranë ish-Kombinatit, Kodër Kamëz, zona pranë Universitetit Bujqësor, Babrru, zona e Kodrës së Kuqe.
B.K./ReportTv.al