Një makinë është përfshirë nga flakët në zonën e njohur si ish-fusha e aviacionit në Tiranë mëngjesin e sotëm (24 dhjetor).
Ngjarja ndodhi në orën 07:05 përballë godinës së 'Polit të Drejtësisë'. Fatmirësisht nuk ka pasur të lënduar por vetëm dëme materiale.
Deri më tani nuk dihen ende shkaqet e kësaj ngjarje. Zjarrëfikësja ka mbërritur menjëherë dhe ka bërë të mundur shuarjen e flakëve.
"Më datë 24.12.2020, rreth orës 07:05, në rrugën “Dritan Hoxha”, dyshohet si pasojë i një difekti teknik ka rënë zjarr në mjetin në pronësi të shtetasit E.S, ku ka vetëm dëme materiale. Nuk ka probleme për drejtuesin e mjetit" njofton policia.
Vijon puna me grupin hetimor për sqarimin e plotë e rrethanave të ngjarjes.
Makina e përfshirë nga flakët
E.M.//ReportTv.al
Komento
