Tirana për meshkuj është skuadra e radhës që ka siguaruar gjysmëfinalet e Kupës së Shqipërisë në basketboll pas Vllaznisë dhe Teutës. Bardheblutë në ‘Farie Hoti’ kanë mposhtur Dinamon në derbi me rezultatin 97-81, në një ndeshje e cila u dominua pothuajse totalisht nga të besuarit e Erkand Karajt.
“Ne e kishim vlerësuar ndeshjen dhe u pa që nga fillimi, por nuk e di pse në fillim të peroidës së tretë dhe të katërt na ndodhi një nënvlerësim që përsëritet shpesh me skuadrat që i mundim më lehtë. Tirana çfarëdolloj kupe të jetë duhet ta pretendojë se zbën sepse e ka në gen këtë punë,”-u shpreh Erkand Karaj, trajner i Tiranës.
“Kjo ndeshje kishte rëndësinë e vet sepse ishte e para për 2022 dhe donte seriozitetin e saj. Shpresoj që dhe ndeshjet e radhës të shkojnë në këtë mënyrë sepse janë shumë të ngjeshura,”-tha Eldi Hysa, basketbollist i Tiranës.
Çerekfinalja e katërt do të diskutohet mes Kamzës dhe Apolonisë për të formuar më pas edhe dy përballjet gjysmëfinale.
Ne.k.//ReportTv.al