Teuta është fituesja e Kupës së Shqipërisë duke e çuar kupën në Durrës. Teuta ka arritur të marrë trofeun pasi mposhti Tiranën 2-0 në stadiumin “Air Albania”. Të dyja ekipet kishin uri të madhe për ta fituar trofeun në 100-vjetorin e themelimit të skuadrave, por dominuese ishin 'djemtë e detit'.
Goli që në minutën e 2-të nga qendërmbrojtësi Rustem Hoxha dhe në minutën e 79-të nga mesfushori me tipare sulmuese, Lorenco Vila sollën fitoren e durrasakëve.
Edhe pse bardheblutë patën rastet e tyre për të barazuar ndeshjen, nuk arritën të shënonin asnjë gol.
Kjo është Kupa e katërt në historinë e klubit durrsak, teksa më parë e kishte fituar në vitet 1995, 2000 dhe 2005, duke e rikthyer atë sërish pas 15 vitesh.
Ndeshja u luajt pa tifozë, edhe pse më herët FSHF bëri kërkesë që kjo ndeshje të luhet me një numër të reduktuar tifozësh.
//ReportTv.al
Bravo Teauta ja bone mire tirones sepse edhe kampionatin kot e fitun ishte dhurate nga fshf
Përgjigju