Thomas Brdaric në stërvitjen e parë

Thomas Brdaric thotë fjalët e para pas rikthimit te Vllaznia: Të 'marrim hak' kundër Egnatias, kopjojmë Leverkusenin

26 Prill, 17:04| Përditesimi: 26 Prill, 17:23

  • Share


Thomas Brdaric është zyrtarisht trajneri që do pasojë Qatip Osmanin në stolin e Vllaznisë. Kontrata e kroato-gjermanit në rikthimin në Shkodër do jetë deri në fundin e sezonit, me të drejtë rinovimi edhe për një tjetër. Ndihmës i tij do jetë Ergi Borshi, teksa trajneri ka nisur menjëherë nga puna.

Para stërvitjes së të premtes pasdite, trajneri ka dalë para medieve ku ka folur për këtë rikthim dhe ndeshjen e së dielës në 15:00 kundër Egnatias në Rrogozhinë, ekipit që i eliminoi shkodranët nga Kupa e Shqipërisë në mesjavë.

"Jam shumë i lumtur që jam këtu. Dua të vlerësoj paraardhësin Osmani, ka bërë një punë të mirë dhe jemi këtu në garë. Kjo është jeta, ndodhin shumë gjëra. Unë vendosa me zemër të jem këtu pasi kemi kaluar kohë të mira. Objektivi është të fitojmë titullin.

Rikthimi - Në jetë bëjmë gabimë, rëndësi ka të shohim para dhe mos mendojmë për ato që kanë kaluar. Kam marrëdhënie të mira me presidentin e Vllaznisë, vetëm dy ditë në jetë nuk kemi qenë mirë mes nesh. Dua të jem falenderues për të gjithë për këto arritje.

Skuadra, sa e njihni? Ekipi ka kualitet, për dy ditë duhet fat të fitojmë ndeshjen. Duhet besim i plotë dhe të përgatitemi mirë për ndeshjet e radhës.

Titulli kampion - Egnatia ka bërë kampionat të mirë. Duhet të përmirësohemi për t'i mundur, jemi pranë, por na duhet punë.

Kontrata - Jam këtu që t'i jap ekipit identitet dhe nuk kemi shumë kohë. Duhet të fitojmë dhe zëmë vend në "Final 4". Nuk mendoj se do largohem nëse nuk fitoj titullin.

Kundër Egnatias kryesuese të diel - E pashë ndeshjen e fundit dhe duam të marrim hak. I kam thënë lojtarëve që duhet të përmirësohemi dhe jo të mendojmë, na duhet motivim që do i japim ekipit.

Nuk kam ardhur të ankohem çfarë nuk është bërë në të shkuarën, duam të përmirësohemi. Kam folur edhe me Tefik Osmanin, jam i gëzuar që do punojmë bashkë.

Keni luajtur me Leverkusen - I kam ndjekur në stërvitje, Xabi Alonso ka bërë një punë të mirë dhe fokusi im me lojtarët në fjalën e parë ishte që duhet të investohemi në stërvitje. Forma e tyre është një shembull për t'u marrë", tha Brdaric.


Lajmi kryesor:

Zyrtare/ Vllaznia prezanton Thomas Brdaric, zëvendëson Osmanin në stol! Trajneri flet shqip (VIDEO)


S.DH//ReportTv.al
  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?